راولپنڈی۔16اکتوبر(اے پی پی)چیئرمین جوائنٹ چیفس آف سٹاف کمیٹی جنرل ساحر شمشاد مرزا علاقائی امن و استحکام دے ودھارے، گلوبل نارتھ اتے گلوبل ساؤتھ وچال ڳالھ مہاڑ، احترام اتے اصولی سفارتکاری دے ذریعے تعلقات کوں متوازن بݨاوݨ کیتے پاکستان دے فعال کردار دا عزم ظاہر کیتے اتے فلسطین اتے جموں و کشمیر سودھے جھیڑیں دے منصفانہ اتے پرامن حل کیتے پاکستان دی مستقل حمایت دا اعادہ کیتے۔ پاک فوج دے شعبہ تعلقات عامہ (آئی ایس پی آر) توں جاری بیان موجب چیئرمین جوائنٹ چیفس آف سٹاف کمیٹی جنرل ساحر شمشاد مرزا نپس، نسٹ یونیورسٹی دے زیر اہتمام ‘اسلام آباد سمپوزیم 2025’ دی اختتامی تقریب اچ بطور مہمان خصوصی شرکت کیتی۔ تقریب نال خطاب کریندے چیئرمین جے سی ایس سی سارے مقررین اتے پینلسٹس دا انہاں دی قیمتی بصیرت تے اظہار تشکر کیتا اتے عالمی اتے علاقائی ماحول تے روشنی پاتی۔ انہاں علاقائی امن و استحکام دے ودھارے۔ عالمی شمالی اتے گلوبل ساؤتھ وچال ڳالھ مہاڑ، وقار اتے اصولی سفارتکاری دے ذریعے تعلقات کوں متوازن بݨاوݨ کیتے پاکستان دے فعال کردار دا عزم ظاہر کیتا۔ تصادم کوں تعاون نال بدلݨ دی لوڑھ تے زور ݙیندے ہوئیں چیئرمین جوائنٹ چیفس آف سٹاف کمیٹی جنرل ساحر شمشاد مرزا آکھیا جو پاکستان آپت دے احترام اتے بین الاقوامی قانون اچ جُڑئے بقائے باہمی دے وژن توں رہنمائی حاصل کریندے۔ چیئرمین جے سی ایس سی فلسطین اتے جموں و کشمیر سودھے جھیڑیں دے منصفانہ اتے پرامن حل کیتے پاکستان دی مستقل حمایت دا اعادہ کیتا۔ انہاں آکھیا جو خطیں اتے تہذیباں دے سنگم ??ے کھڑے تھی تے پاکستان تحمل اتے تعمیری رابطیں کوں برقرار رکھیا ہویا اے جو ونڈ کوں ختم کرݨ اتے انصاف، مساوات اتے آپت دے احترام تے مبنی ہک متوازن عالمی نظام کوں ودھارا ݙیوݨ کی??ے کوشاں اے۔ تقریب اچ اکیڈیمیا ممبران، بیوروکریٹس، غیر ملکی سفیراں، تاجر برادری دے نمائ??دی??، نامور یونیورسٹیاں دے طالب علم اتے فیکلٹی شرکت کیتی۔
