لاہور۔14ستمبر(اے پی پی) صوبائی وزیر اطلاعات پنجاب عظمیٰ بخاری آکھیے جو ڳلی محلے اچ تھیٹرز بݨاوݨ دی اصلوں اجازت نہ ݙتی ویسی، تھیٹر توں فحاشی دے پورے خاتمے تئیں آرام نہ نہ ٻہسوں ، پڑھی لکھی یوتھ کوں تھیٹرز اچ پرموٹ کیتا ونڄے۔ اے ڳالھ انہاں تھیٹر ایسوسی ایشن دے وفد نال ملاقات اچ آکھی ۔عظمیٰ بخاری آکھیا جو فحاشی کھنڈاوݨ آلیں دے خلاف ایکشن دے بعد تھیٹر ڈرامیں اچ بہتری آئی اے، ایجھا ایکٹ گھن آوݨ چاہندوں جو تھیٹر انڈسٹری دی صلاح نال گھن آیا ونڄے۔ عظمیٰ بخاری تھیٹر ایسوسی ایشن کوں نویں ڈرامہ ایکٹ تے اعتماد اچ ڳھدا اتے انہاں دیاں ݙو تجویزاں کوں ایکٹ اچ شامل کرݨ تے اتفاق کیتا ڳیا۔ انہاں آکھیا جو ہݨ وی کجھ تھیٹرز توں شکایتاں رپورٹ تھیندیاں پئن جݙاں تئیں تھیٹر توں فحاشی دا پورا خاتمہ نہ تھیسی آرام نال نہ ٻہسوں ۔ انہاں آکھیا جو ڳلی محلے اچ تھیٹرز بݨاوݨ دی اصلوں اجازت نہ ݙتی ویسی، تھیٹر دے ویلھے کار اچ وی تبدیلی گھن آوݨی ہوسی، ایجھا تھیٹر چاہندوں جݙاں خاندان وی ڈرامے ݙیکھݨ آون، تھیٹر ڈرامیں اچ تریمتاں کوں ٹارگٹ کرتے ڳالھ بازی وی بند تھیوݨی چاہیدی اے۔ وزیر اطلاعات مزید آکھیا جو چنڳے اتے سماجی موضوعات تے ڈرامے بݨݨے چاہیدن اتے پڑھی لکھی یوتھ کوں تھیٹرز اچ پرموٹ کیتا ونڄے تاں جو ماحول بدلے۔
