مظفر آباد۔15دسمبر (اے پی پی):نگران وزیراعظم انوارالحق کاکڑ آزادجموں کشمیر دےسارے مسئلے حل کرݨ سانڳے یقین ݙویندے ہوئیں آکھیے جو جموں وکشمیر دے جھیڑے دی حیثیت بین الاقوامی س??ح تے منی ڳئی اے ، بھارت اپݨے غاصبانہ ہتھکنڈیں توں راہ فرار اختیار نی کر سڳدا ، آزاد جموں و کشمیر اتے گلگت بلتستان دا بذریعہ سڑک رابطہ ضروری اے جیں کیتے ترجیحی بنیاداں تے کم کرݨ دی لوڑھ اے ،آزاد جموں و کشمیر دی سیاحت دی صلاحیت توں فیدہ چاتا ونڄݨا چاہیدے ۔وزیراعظم آفس دے میڈیاونگ توں جاری بیان موجب اے ڳالھ انہاں آزاد جموں و کشمیر دی کابینہ دے خصوصی اجلاس دی صدارت کریندے ہوئیں آکھی اے ۔آزاد جموں و کشمیردے وزیر اعظم اتے کابینہ بھارتی سپریم کورٹ دی طرفوں جموں و کشمیر دی حیثیت تے بھارت دے غیر قانونی اتے ??کطرف?? اقدامات دی توثیق دے بعد کشمیریاں نال اظہار یکجہتی اتے آزاد جموں و کشمیر دا دورہ کرݨ تے وزیراعظم انوار الحق کاکڑ دا شکریہ ادا کیتے۔آزاد جموں و کشمیر دے وزیراعظم تے کابینہ دی طرفوں نگران وزیراعظم پاکستان دی آزاد جموں و کشمیر قانون ساز اسمبلی اچ گزریل ݙینھ دی تقریر دی زبردست پذیرائی کیتی ڳئی ۔آزاد جموں و کشمیر دے وزیر اعظم نگران وزیراعظم انوار الحق کاکڑ کوں الویندے ہوئیں آکھیے جو تساں ݙوہیں پاسوں کشمیریاں دے دل جت ڳھدن تے انہاں دے جذبات دی ترجمانی کیتی اے۔ انہاں آکھیے وزیراعظم پاکستان دی تقریر کوں کشمیری عوام، اوورسیز کشمیریاں ، کشمیری اکادیمیہ ، سول سوسائٹی اتے میڈیا دی طرفوں چنڳی تعریف کیتی ڳئی اے ۔
