اسلام آباد۔11جولائی(اے پی پی) وفاقی وزیر خزانہ سینیٹر محمد اورنگزیب پاکستان اچ نیکسٹ جنریشن موبائل براڈ بینڈ سروسز دی چنڳائی سانڳے بین الاقوامی موبائل ٹیلی فونی (آئی ایم ٹی) سپیکٹرم دے اجراء تے مشاورتی کمیٹی دے اجلاس دی صدارت کیتی۔ اجلاس اچ وزیر مملکت آئی ٹی و ٹیلی کام شزہ فاطمہ خواجہ، چیئرمین پاکستان ٹیلی کمیونیکیشن اتھارٹی تے متعلقہ وزارتاں تے محکمیں دے سینئر حکام شرکت کیتی۔اجلاس اچ ٹیلی مواصلات تے ریگولیٹری اتھارٹیز دے اہم سانجھے داراں وزیرخزانہ کوں آئی ایم ٹی سپیکٹرم تے ایندے استعمال دے سٹریٹجک منصوبیں دا ݙسائے ۔اجلاس اچ ݙسایا ڳئے سپیکٹرم دے اجراء نال رابطے چنڳے تھیوݨ ،انٹرنیٹ دی رفتار ودھݨ تے اعلیٰ معیار دی ڈیٹا خدمات دی ودھدی منگ پورا کرݨ دی توقع اے۔ اجلاس اچ نیلامی دے عمل، تکنیکی تفصیل تے سپیکٹرم دے اجرا ء سانڳے ویلھے تے ڳالھ مہاڑ کیتی ڳئی ۔ مشاورتی کمیٹی تکنیکی ترقی ودھاوݨ تے ٹیلی کمیونیکیشن سیکٹر اچ سرمایہ کاری تےترقی سانڳے سازگار ماحول بݨاوݨ تے طریقیں تے غور کیتے
