اسلام آباد۔2اپریل(اے پی پی)وفاقی وزیر داخلہ شیخ رشید احمد آکھیے جو اڄوکی صورتحال اچ تیکھے الیکشن تھیوݨے چاہیدن، میں ہر حال اچ وزیراعظم عمران خان دے نال ہاں، پاکستان دی بدقسمتی اے جو ملک کوں لٹݨ آلے پیو پتر ہک واری ول اقتدار دی دروک اچ ہین، منحرف ارکان اپݨے حلقیاں اچ ونڄݨ ڄوڳے نئیں رہے او کیا عوام دی ترجمانی کریسن، بیرونی سازشاں دا حصہ ٻݨݨ آلے اتے قومی اسمبلی دے اراکین کوں مل ڳھنݨ آلیاں دے خلاف غداری دا مقدمہ درج تھیوݨا چاہیدے۔ اے ڳالھ انہاں پریس کانفرنس اچ آکھی۔ انہاں آکھیا جو سیاسی صورتحال چنتے آلی اے جتھاں ہر ویلھے تبدیلی آندی پئی اے، میکوں فوری الیکشن دے علاوہ ٻیا کوئی حل نئیں نظردا۔ انہاں آکھیا جو منحرف ارکان عوام اچ ونڄݨ ڄوقے وی نئیٰں، چنڳاں ہوسی جو او پارٹی توں استعفیٰ ݙے ݙیون۔
