راولپنڊي – 06 سيپٽمبر (اي پي پي) پاڪ فوج جي سربراهه جنرل قمر جاويد باجوه چيو آهي ته ڪشميرين تي ظلم اسان جي صبر جي آزمائش آهي، پاڪستان ڪشميرين کي ڪڏهن به اڪيلو ۽ حالتن جي رحم ڪرم تي نه ڇڏيندو، ڀارتي قدمن سان خطي ۾ جنگ ۽ بدامني جا ڪڪر ڇانيل آهن، ڪشمير پاڪستان مڪمل ٿيڻ جي اڻ مڪمل ايجنڊا آهي، دهشتگردي خلاف ڪامياب جنگ دنيا جي لاءِ هڪ مثال آهي، جيستائين ملڪ جا جانثار موجود آهن ڪير به پاڪستان ڏانهن ميري اک سان نه ٿو ڏسي سگهي، شهيدن جون قربانيون رائيگان نه وينديون، آخري ساهه، آخري فوجي ۽ آخري گوليءَ تائين وڙهنداسين. هو جي ايڇ ڪيو ۾ دفاع ۽ شهيدن جي ڏهاڙي جي مرڪزي تقريب کي خطاب ڪري رهيو هو.
