اسلام آباد۔23جولائی (اے پی پی) وزیراعظم محمد شہباز شریف پاکستان اتے ترکمانستان وچال داتجارتی، اقتصادی، سرمایہ کاری اتے ثقافتی تعلقات ودھاوݨ دی لوڑھ تے زور ݙیندیں ہوئیں ترکمانستان دی کمپنیاں کوں پاکستان اچ سرمایہ کاری دی دعوت ݙتی اے۔ وزیراعظم آفس دے میڈیا ونگ توں جاری بیان موجب وزیراعظم محمد شہباز شریف نال ترکمانستان دی کابینہ دے ڈپٹی چیئرمین اتے وزیر خارجہ راشد میریدوف منگل کوں وزیراعظم ہائوس اچ ملاقات کیتی اے۔ وزیراعظم ترکمانستان دے عظیم رہنما قربان گلی بردی محمدوف نال ایں مہینے دے شروع اچ آستانہ اچ تھیوݨ آلی ملاقات دا ݙسیا او انہاں دا پاکستان اچ استقبال کرݨ دے تانڳھی ہن۔ وزیراعظم داتجارتی، اقتصادی، سرمایہ کاری اتے ثقافتی تعلقات ودھاوݨ دی لوڑھ تے زور ݙتا۔ انہاں علاقائی تعاون اتے رابطے دی اہمیت کوں وی اجاگر کیتا اتے تاپی گیس پائپ لائن اتے ٻئے منصوبیاں دے جلدی پورا تھیوݨ دے پاکستان دا پکا عزم کیتا۔
.jpg)