اسلام آباد – 25 جون (اي پي پي) وزيراعظم عمران خان ڪورونا کان بچاءُ لاءِ ايس او پيز تي عملدرآمد تي زور ڏيندي چيو آهي ته جيڪڏهن هڪ مهينو سماجي فاصلو ۽ ايس او پيز تي عمل ڪيو وڃي ته ان وبا جي بلند ترين سطح مان نڪري اينداسين، جيڪڏهن عوام ايس او پيز تي عمل نه ڪيو ته اسپتالن تي بار وڌي ويندو، ٽائيگر فورس جا رضاڪار مشڪل وقت ۾ حڪومت سان گڏ بيٺل آهن ۽ عوام جي خدمت ڪري رهيا آهن. اهڙن خيالن جو اظهار هن ٽائيگر فورس جي رضاڪارن کي خطاب ڪندي ڪيو.
