اسلام آباد۔4نومبر(اے پی پی): صدر مملکت ڈاکٹر عارف علوی دی گوادر اچ پاک فوج دے قافلے اتے میانوالی اچ ٹریننگ ایئر بیس تے حملے دی مذمت کریندے ہوئیں آکھیے جو دہشت گردی دے ناسور کوں مکاوݨ کیتے قوم افواج پاکستان نال کھڑی اے ۔ ایوان صدرپریس ونگ توں جاری بیان موجب صدر مملکت حملیں اچ قیمتی جانی ضیان تے افسوس کیتے اتے آپݨی جاناں دا نذرانہ پیش کرݨ تے شہدا کوں خراج عقیدت پیش کیتے۔ صدرمملکت آکھیے دہشت گرد ملک اتے قوم دے دشمن ہن تے دہشت گردی دے منڈھوں خاتمے تئیں کوششاں جاری رکھیسوں ۔ صدر شہدا دے لواحقین نال اظہار ہمدردی کریندے ہوئیں شہدا کیتے اُچے درجات دی دعا کیتی ۔صدر مملکت میانوالی اچ ٹریننگ ایئر بیس تے حملے دی وی مذمت کیتی تے دہشت گرداں دے حملے کوں ناکام بݨاوݨ تے اطمینان دا اظہارکیتے۔
