اسلام آباد۔28جون (اے پی پی):چیئرمین سینیٹ محمد صادق سنجرانی آکھیے جو احتسابی عمل دے نتیجے اچ تاجر اتے کاروباری طبقے دے ہراساں تھیوݨ دے تاثر دی نفی تھیوݨی چاہیدی اے ۔ سینیٹ سیکرٹریٹ موجب اے ڳال انہاں چیئر مین نیب جسٹس (ر) جاوید اقبال نال ڳال مہاڑ کریندے ہوئیں آکھی اے جنہاں سنوار کوں پارلیمنٹ ہاؤس اچ انہاں نال ملاقات کیتی ۔ملاقات اچ چیئرمین نیب چیئرمین سینیٹ محمد صادق سنجرانی کوں نیب دی سالانہ رپورٹ برائے 2020 پیش کیتی۔ چیئرمین نیب سینیٹ دے سربراہ کوں ملک اچ جاری احتسابی عمل دے بارے تفصیل نال ݙسایا۔ احتسابی عمل کوں شفاف اتے موثر بݨاوݨ کیتے اقدامات بارے بریف کیتا ۔ چیئرمین سینیٹ آکھیے جو احتساب دے عمل اچ شفافیت اتے غیر جانبد اری کوں ہر صورت برقرار رکھیا ویسی ۔
