لاہور۔4جنوری(اے پی پی)وفاقی وزیر ریلوے اتے مسلم لیگ ن دے سینئر رہنما خواجہ سعد رفیق آکھیے جو کہیں وی ایئرپورٹ دی نجکاری نئیں تھیندی پئی، کوڑ مارݨ آلیاں دی ٻس نئیں تھئی سݨݨ آلیاں دی ٻس تھی ڳئی اے۔ لاہور اچ میڈیا نال الیندے انہاں آکھیا جو 3 ایئر پورٹس دے آپریشنل آؤٹ سورس کرݨن جیندے نال فوری سرمایہ کاری آسی اتے ساݙیاں سروسز انٹرنیشنل معیار دیاں تھی ویسن، پاکستانیا کوں وی بہترین سروس ملسی جیڑھا انہاں دا حق اے۔انہاں آکھیا جو ریاست پیسے لیندی اے تاں ایئرپورٹ ٻݨدے، پنجاب، کے پی کے، کشمیر اتے گلگت بلتستان اچ حکومتاں عمران خان دیاں ہین ٻھل انہاں ملک کوں عذاپ اچ پاتا ہوئے، کم کرن اتے ساکوں وی کم کرݨ ݙیون، انہاں کو ہر شے ݙے ݙیوو ول وی انہاں کوں آرام نا آسی، انہاں کوں آکھساں جو ویلھے تے الیکشن تھیوݨ ݙیون۔
