اسلام آباد۔5دسمبر(اے پی پی سرائیکی نیوز سروس ۔ڈاکٹر سعدیہ کمال )وفاقی محتسب برائے انسداد ہراسیت دی چئیرپرسن فوزیہ وقار آکھیے جو ملک دی ترقی سانگے تریمتیں دا معاشی طور تے مضبوط ہووݨ ٻہوں ضروری اے۔ او ایوان صدر اسلام آباد اچ صنفی امتیاز خاص کر تریمتیں تے تشدد دے رویے مکاوݨ سانڳے سولہاں ݙینھ دی مہم دے حوالے نال تقریب اچ خطاب کریندے آکھی۔ انہاں آکھیا جو تریمتیں کوں ساݙے معاشرے دے سازگار ماحول اچ برابری دی بنیاد تے نوکری دے مواقعے اے سہولتاں ملݨیاں چاہیدن، اساں 2010 توں 18 تئیں 500 کیس جڈاں جو 18 توں 2022 تئیں 5 سال اچ 5 ہزار کیس نبیڑن، ادارہ کیس بغیر کہیں فیس دے 90 ڈینھ اچ نمٹیندے ڄے تئیں مسئلہ حل نی تھیندا شکایت بند نی کریندے، ساݙی کوشش اے جو خواجہ سراواں کوں وی رلائوں، ساݙا مرکزی دفتر اسلام آباد اچ اے اتے ترائے صوبائی دفتر کراچی، لاہور اتے پشاور اچ ہین، انہاں آکھیا جو ہݨ اے ٻہوں ضروری اے جو تریمتیں دی قومی دھارے اچ شمولیت کوں یقینی ٻݨایا ونڄے۔
