اسلام آباد۔11جنوری(اے پی پی)وفاقی وزیر اطلاعات و نشریات چوہدری فواد حسین آکھیے جو نواز شریف فراڈ کر تے ٻاھرو ڳین، انہاں دا بیرون ملک ونڄݨ بیماری نئیں ہک فراڈ ہا، نواز شریف دی بیرون ملک سرگرمیاں توں لڳدے جو او ریاست پاکستان اتے ایندے قانون دا مذاق اݙیندے ودن، نواز شریف کوں ٻاھرو ٻھیڄݨ اچ شہباز شریف مکمل ملوث ہین جئیں عدالت اچ جعلی بیان حلفی جمع کرائے اتے اے آرٹیکل 63 دی خلاف ورزی اے، وفاقی کابینہ شہباز شریف دے خلاف ہائی کورٹ ونڄݨ دا فیصلہ کیت۔ اے ڳالھ انہاں اسلام آباد اچ وفاقی کابینہ دے اجلاس توں بعد میڈیا بریفنگ اچ آکھی۔ انہاں آکھیا جو 17 مہینے لنڳھ ڳین بھل نواز شریف علاج نئیں کرایا، حکومت کوں نوازشریف دیاں ملݨ آلیاں طبی رپورٹاں سابقہ رپورٹس نال نئیں ملدیاں، پنجاب حکومت انہاں کوں مسترد کرݙتے جو نواز شریف دی صحت دا ڈرامہ رچایا گئے، ہائی کورٹ دے احکامات دے باوجود شریف ٹٻر نواز شریف دی طبی رپورٹس پاکستانی سفارت خانہ نال شیئر کرݨ توں انکار کر ݙتے، کابینہ فیصلہ کتیے جو ایں معاملے تے عدالت نال رجوع کیتا ونڄے۔
