اسلام آباد۔6جون (اے پی پی) الیکشن کمیشن آکھیا جو اکتوبر تئیں ملک اچ انتخابات کرا سڳدوں، نویں آدم شماری تھیوݨ دی صورت اچ نویں حلقہ بندیاں ضروری ہوسن اتے ولا انتخابات 2023 اچ ممکن تھی سڳسن۔ نظر ثانی دے بعد انتخابی فہرستاں 12 اگست کوں شائع کیتی ویسن۔ شہری چار جولائی تئیں ووٹ دی درستی کرا سڳدن۔ ایں ویلھے جاری حلقہ بندیاں دا کم وی اگست اچ پورا تھیسی۔ سنوار کوں الیکشن کمیشن اچ پریس کانفرنس توں خطاب کریندیں ہوئیں سیکرٹری الیکشن کمیشن عمر حمید خان آکھیا جو الیکشن کمیشن آزاد اتے خود مختار آئینی ادارہ اے،آزادانہ، شفاف اتے منصفانہ انتخابات کیتے درست تے قابل اعتبار انتخابی فہرستاں ضروری ہن۔
