اسلام آباد۔ 8 مئی (اے پی پی)صدر مملکت ممنون حسین آکھیا جو حکومت خصوصی طور گھٹ آمدنڑ آلے طبقیاں کوں صحت اتے علاج دی چنگی سہولتاں ڈیونڑ بارے ڈینھ رات محنت کریندی پئی اے، وزیراعظم ہیلتھ انشورنس پروگرام سمیت کئی فلاحی کم کیتے گئن ،کوئی وی معاشرہ آپنڑے معذور بندیاں دی ذمہ واری توں منہ نی پھیر سگدا،حکومت ایں بارے آپنڑی ذامہ واری جانڑدی اے،جسمانی معذوراں بارے بندیاں کوںمعاون آلات ڈیونڑ اچ پاکستان دا کردار تعریف دے قابل اے۔انہاں اے گالھ منگل کوں اتھاں ٹیکنالوجی برائے معاونت معذوراںبارے پہلے علاقائی اجلاس توں خطاب کریندیں ہوئیں آکھی۔تقریب اچ وفاقی وزیر قومی صحت خدمات سائرہ افضل تارڑ اتے مندوبین وی موجود ہن ۔صدرمملکت آکھیا جو قدرتی یا غیر قدرتی وجہ پاروں انسانی برادری اچ کہیں وجہ پاروں پچھوں رہ ونجنڑ آلے بندیاں کوں معاشرے دے مرکزی دھارے اچ گھن آونڑ دے نیک مقاصد سانگے ایں اجلاس تھیونڑ چنگی گالھ اے جئیں نال آپسی مشورے اتے گالھ مہاڑ اتے ہک ڈوجھے دے تجربیاں توں آگاہی دے فائدے ملسن۔
