اسلام آباد۔10اگست(اے پی پی) صدر مملکت آصف علی زرداری وادی تیراہ دے ضلع خیبر اچ سکیورٹی فورسز تے حملے دی مذمت کریندے آکھیے پوری قوم دہشت گردی دی لعنت منڈھوݨ کاوݨ سانڳٖ پرعزم اے ۔ ایوان صدر پریس ونگ توں جاری بیان موجب صدر مملکت آصف علی زرداری واقعہ اچ سکیورٹی اہلکاراں دی شہادت تے تعزیتی تے زخمیاں دی وختی صحت کیتے دعا منگی ۔ صدر مملکت مادر وطن سانڳے جان دا نذرانہ ݙیوݨ آلے شہدا کوں سلام تے حوالدار انعام گل ، سپاہی محمد عمران اتے سپاہی الطاف خان کوں خراج عقیدت پیش کیتے۔ صدرمملکت فتنہ خوارج دے خلاف کارروائیاں کرݨ تے دہشت گرداں کوں جہنم واصل کرݨ تے سکیورٹی فورسز دی خدمات دی تعریف کریندے آکھیے پوری قوم دہشت گردی دی لعنت منڈھوݨ مکاوݨ سانڳے پرعزم تے سکیورٹی فورسز دے رلے کھڑی اے ۔ صدر مملکت دہشت گرداں دے خلاف کاروائیاں جاری رکھݨ دے عزم دا اظہار کیتے ۔ صدر مملکت آصف علی زرداری شہداء دے اُچے درجات تے گھر آلیں سانڳے صبر دی دعا منڳی۔
