اسلام آباد۔3نومبر(اے پی پی) وزیراعظم دے کوآرڈینیٹر رانا احسان افضل خان پاکستان تحریک انصاف کوں چتاوݨی ݙیندے آکھیے انھاں دے اقدامات بالآخر مایوسی دا باعث بݨسن۔ اپݨے ھک انٹرویو اچ انھاں پی ٹی آئی دی سیاسی چالاں تے کڑی تنقید کریندے مزید آکھیے پی ٹی آئی دی بنیادی توجہ عوام دی خدمت دے بجائے اپݨے ذاتی مفادات گھنݨ تے رہیے اے ۔ انھاں نشاندہی کیتی جو وزیراعظم شہباز شریف دی قیادت اچ ملک ترقی کریندا پئے تے استحکام اچ خلل پاوݨ دی کہیں وی کوشش کوں برداشت نہ کیتا ویسی ۔ آئینی بنچ متعلق ھک سوال دا جواب ݙیندے انھاں آکھیے حکومت ججاں دے انتخاب دے حوالے نال آئینی بنچ دے کہیں وی فیصلے کوں اثر و رسوخ دے بغیر قبول کریسی۔رانا احسان افضل اتحاد دی اہمیت تے زور ݙیندے ساریاں جماعتاں تے زور ݙتے جو او ملک دی ترقی سانڳے رل تے کم کرن تے ریاستی اداریں دا احترام کرن
