کراچی۔1فروری(اے پی پی)نگران وفاقی وزیر اطلاعات، نشریات و پارلیمانی امور مرتضیٰ سولنگی آکھیے جو معیشت، خارجہ پالیسی، مقامی حکومتاں، گورننس اتے سول سروس ریفارمز سودھا ملک کوں درپیش وݙے مسلیاں تے بحث تھیوݨی چاہیدی اے، انتخابی عمل ہر صورت جاری رہݨا چاہیدے، لیول پلینگ فیلڈ دی شکایت کرݨ آلے جماعتی سیاست اچ وی جمہوریت ڳھن آون۔ اے ڳالھ انہاں پریس انفارمیشن ڈیپارٹمنٹ ولوں انتخابات 2024 بارے سیمینار بعنوان ”نئی حکومت کے لئے چیلنجز اور روڈ میپ“ نال خطاب کریندے آکھی۔ انہاں آکھیا جو جمہوری نظام اتے انتخابی عمل ٻہوں خامیاں دے باوجود ہر ہک دا اتفاق اے جو انتخابات تھیوݨے چاہیدن، الیکشن ضرور تھیسن اتے 8 فروری کوں ہی تھیسن، سیکیورٹی مسلے اپݨی ڄاہ تے ٻھل بھل جمہوری عمل نئیں رکݨا چاہیدا۔ انہاں آکھیا جو حقیقی جمہوریت اوں ویلھے آسی ڄݙاں ملک دے غریب اتے متوسط طبقہ، مڈل کلاس، لوئر مڈل کلاس اتے ورکنگ کلاس الیکشن اچ کھڑی تھی سڳسی، سیاست ضرور کریڄے ٻھل ملک دے مستقبل تے سیاست نئیں تھیوݨی چاہیدی۔
