اسلام آباد۔12ستمبر (اے پی پی) وفاقی وزیر اطلاعات تے نشریات مریم اورنگزیب آکھیا جو عمران خان تکبر اتے خود پسندی پاروں خطرناک اے، اینکوں کہیں ادارے، اوندے سربراہ یا جج کوں مندے ݙیوݨ اچ کوئی شرم کائنی۔ عدالتاں کوں پتہ لڳ ونجݨا چاہیدے جو جج کوں مندے کݙھݨ اچ عمران خان کوں نہ ندامت اے نہ شرمندگی، بزدل، انا پرست ، خودپسندی اتے تکبر اچ بݙیا ہوئیا شخص خطرناک ای ہوندے۔ او ہک ڈھیٹ، فسطائی اتے بے شرم انسان اے جیڑھا کھل تے کوڑ مریندے۔ چھل تے وی سیاست کریندے۔ قوم اتے میڈیا توں اپیل اے جو خود پسند، انا پرست بندے دی بجائے چھل متاثرین آلے پاسے آپݨی توجہ ݙیون۔ سنوار کوں آپݨے بیان اچ انہاں آکھیا جو ایں ویلھے چھل دی تکلیف اچ ہیسے، انہاں اہل وطن تے قوم اتے میڈیا آپݨی توجہ ݙیوے۔ عمران خان چھل متاثرین دے جذبات نال کھیݙ تے انتشار پاوݨ چاہندے۔ اے آپݨی گھٹیا سیاست کیتے چھل متاثرین دی امداد رکواوݨ چاہندے۔ اے او ذہنی بیمار اے جیڑھا آپݨی سایست کیتے شہیداں دے خلاف سوشل میڈیا تے زہریلی مہم چلیندے۔
