گڏيل قومون – 01 آگسٽ (اي پي پي) فلسطيني اڳواڻ جي ايران جي گادي واري شهر تهران ۾ اسرائيلي حملي ۾ شهيد ٿيڻ بعد گڏيل قومن جي سلامتي ڪونسل هنگامي اجلاس منعقد ڪرڻ جو اعلان ڪيو آهي. اي ايف پي سلامتي ڪونسل جي روسي صدارت جي حوالي سان ٻڌايو ته ايران جي درخواست ۽ روس، چين ۽ الجزائر جي نمائندن جي حمايت سان اهو اجلاس گهرايو ويو آهي. ٻئي پاسي گڏيل قومن جي سربراهه انتونيوگوتريش ايران ۽ لبنان تي حملن جي مذمت ڪندي خطرناڪ اشتعال انگيزي قرار ڏنو. هن چيو ته ڏکڻ بيروت ۽ تهران ۾ جيڪي حملا ڏٺا ويا آهن اهي خطرناڪ اشتعال انگيزي کي ظاهر ڪن ٿا، اهڙي وقت ۾ جڏهن سموريون ڪوششون غزه ۾ جنگ بندي ڏانهن ۽ اسرائيلي يرغمالين جي آزادي ڏانهن هجڻ گهرجن.
