اسلام آباد – 05 – مئي (اي پي پي) وزيراعظم عمران خان چيو آهي ته سمنڊ پار پاڪستاني اسان جو قيمتي اثاثو آهن، سفارتخانن جو پاڪستاني شهرين سان نوآبادياتي دور وارو رويو قابل قبول نه آهي، سمنڊ پار پاڪستانين جي مٽاسٽا جي ناڻي جي ڪري پاڪستان ڏيوالپڻي کان محفوظ رهيو، اسان پنهنجي شهرين کي لاوارث نه ٿا ڇڏي سگهون. وزيراعظم عمران خان سڄي دنيا ۾ مقرر پاڪستاني سفيرن کي وڊيو لنڪ ذريعي خطاب ڪندي چيو ته پرڏيهي پاڪستاني اسان جي سڀ کان وڏي طاقت آهن.
