اسلام آباد-07 جون (اي پي پي)قومي اقتصادي سروي سال 23-2022ع (اڄ) خميس تي جاري ڪئي ويندي. ناڻي ۽ محصولن واري وفاقي وزير سينيٽر محمد اسحاق ڊار خميس ڏينهن 4:10 منٽن تي پاڪ سيڪريٽريٽ جي پي بلاڪ جي آڊيٽوريم ۾ اقتصادي سروي جي جاري ٿيڻ جي تقريب جي صدارت ڪندو. قومي اقتصادي سروي ۾ جاري مالي سال دوران اهم سماجي ۽ اقتصادي هدفن ۽ مختلف شعبن ۾ اڳڀرائي جا تفصيل شامل هوندا. قومي اقتصادي سروي ۾ زراعت، مينيوفيڪچرنگ، صنعت، خدمتن، توانائي، آءِ ٽي، ٽيلي ڪميونيڪيشن، ڪيپيٽيل مارڪيٽس، صحت، تعليم، ٽرانسپورٽ ۽ مواصلات سميت مختلف شعبن ۾ اڳڀرائي ۽ اقتصادي رجحانن جو تعين ڪيو ويندو. ان کان علاوه قومي اقتصادي سروي ۾ ناڻي واڌ، واپار، قرضن جي ادائگي، آبادي، روزگار، ماحولياتي تبديلين ۽ سماجي تحفظ جي شعبن ۾ حڪومتي قدمن ۽ رجحانن جو به تفصيل سان تعين ڪيو ويندو. واضح رهي ته اندروني ۽ ٻاهرين چئلينجن باوجود معيشت ۾ استحڪام ۽ پائيدار واري اؤسر لاءِ حڪومت طرفان جوڙيل پاليسين ۽ حڪمت عملي سان اقتصادي اؤسر ۽ سپلاءِ چين ۾ بهتري اچي رهي آهي، موجوده مالي سال جي پهرين 10 مهينن ۾ ڪرنٽ اڪائونٽ جي کاتن ۾ خساري ۾ 76 سيڪڙو جي نمايان گهٽتائي ٿي، جڏهن ته ٻي طرف ايف بي آر جي محصولن ۾ به نمايان اضافو ٿيو آهي. حڪومتي قدمن سان ملڪ جي واپاري خساري ۾ به نمايان گهٽتائي آئي. زري ۽ مالي استحڪام لاءِ ٿيل ڪيل پاليسين سبب معيشت پائيدار راهه تي گامزن آهي. خريف جي فصلن سان زرعي سرگرمين ۽ پيداوار ۾ وڌيڪ اضافو ٿيندو، جنهن سان مجموعي اقتصادي اؤسر تي اثر مرتب ٿيا. حڪومت خسارن تي قابو پائڻ لاءِ حڪمت عملي تيار ڪئي جنهن سبب مالي سال جي پهرين 10 مهينن ۾ ڪرنٽ اڪائونٽس جي کاتن ۾ خساري ۾ سالياني بنيادن تي 6.1 سيڪڙو نمايان گهٽتائي ٿي.
.jpg)