اسلام آباد۔27جنوری (اے پی پی) وزیراعظم عمران خان آکھیا جو طاقتور کوں قانون دے تابع ٻݨاوݨ جہاد اے، فوجداری ںظام اصلاحات قانون دی حکمرنای آلے پاسے قدم اے، حکومت آپݨا کم کر ݙتے، ہݨ عدلیہ اتے وکیل فوجداری قوانین اتے انصاف دے نظام اچ اصلاھات تے عمل کراون۔ ملک دی تاریخ اچ پہلی واری علاج دی مفت سہولتاں کیتے ہیلتھ کارڈ ݙتے ویندے پئن، الیکشن اچ ای وی ایم ٹیکنالوجی ڳھدی آندوں، ریکوڈک کیس نال پاکستان دا ٻہوں ضیان تھیے، اوورسیز پاکستانیز ملک اچ قانون دی حکمرانی نہ ہووݨ پاروں سرمایہ کاری نی کریندے، انہاں ملک اچ سرمایہ کاری شروع کر ݙتی تاں کہیں دے اڳوں ہتھ نہ کرݨا پوسی۔ اسلام وراثت اچ تریمتیں دا حق رکھیے، ہݨ اے نی تھی سڳدا جو انہاں کوں جائیداد اچ حصہ نہ ملے۔ اے ڳالھیں انہاں خمیس کوں اتھاں فوجداری قانون اتے انصاف دے نظام اچ اصلاحات دی تقریب توں خطاب کریندیں ہوئیں آکھی۔ انہاں آکھیا جو قانون دی حکمرانی دے بغیر کوئی معاشرہ ترقی نی کر سڳدا۔ طاقتور کوں قانون دے تابع ٻݨاوݨ جہاد اے، فوجداری ںظام اصلاحات قانون دی حکمرنای آلے پاسے قدم اے، حکومت آپݨا کم کر ݙتے، ہݨ عدلیہ اتے وکیل فوجداری قوانین اتے انصاف دے نظام اچ اصلاھات تے عمل کراون۔وزیراعظم ، فوجداری قوانین اتے نظام انصاف اچ اصلاحات متعارف کراوݨ تے وفاقی وزیر قانون فروغ نسیم اتے انہاں دی ٹیم کوں خراج تحسین پیش کیتا۔
