اسلام آباد۔8فروری (اے پی پی):وفاقی وزیر اطلاعات و نشریات سینیٹر شبلی فراز آکھیے جو سیاسی جماعتاں تے پارلیمنٹیرینز کوں انتخابی عمل اچ شفافیت دےنال کھڑا تھیوݨاں چاہیدے ، ایندے نال جمہوریت کوں تقویت اتے پارلیمان دے وقار اچ ودھارا تھیسی ۔ سنوار کوں وفاقی وزیرسینیٹر شبلی فراز اپݨے ٹویٹ اچ آکھیے جو ووٹ مل گھنݨ تے ہارس ٹریڈنگ توں آئین تے جمہوریت دی خدمت نی تھی سڳدی ،پیسہ لاتے سینیٹ دا رکن بݨݨ آلے عوام دی بجائے ذاتی مفاد دا تحفظ مقدم رکھیسن ۔ انہاں آکھیے جو ملک توں کرپشن مکاوݨ تے شفافیت کوں یقینی بݨاوݨ وزیراعظم عمران خان دا نصب العین اے اتے ایں مقصد دے حصول دی جدوجہد توں او پچھوں نہ ہٹسن ۔
