اسلام آباد۔26اکتوبر (اے پی پی) وفاقی وزیر داخلہ رانا ثنا اللہ خان آکھیا جو ارشد شریف دے کینیا اچ قتل بارے حقائق دا پتہ کرݨ کیتے اعلیٰ سطحی تحقیقاتی ٹیم ٻݨا ݙتی اے۔ تحقیقاتی ٹیم ایف آئی اے اتے انٹیلی ایجنسیز دے اعلیٰ افسراں تے مشتمل اے۔ تحقیقاتی ٹیم فوری طور کینیا ویسی اتے ارشد شریف قتل کیس دی تحقیقات کریسی۔ تحقیقاتی ٹیم حتمی رپورٹ وزارت داخلہ کوں پیش کریسی۔ بدھ کوں آپݨے بیان اچ وزیر داخلہ رانا ثنا اللہ خان آکھیا جو تحقیقاتی ٹیم ارشدشریف کیس اچ پاکستان دے ہک نجی چینل نال جڑی شخصیت دے کینیا اچ سونے دی سمگلنگ دے کاروبار ابرے ٻݨی کمپنی دے کردار دا جائزہ ڳھنسی۔ تحقیقاتی ٹیم ارشد شریف دی پاکستان توں دبئی اتے ولا دبئی توں کینیا ونجݨ دی وجہ اتے محرکات دا جائزہ ڳھنسی۔ وزارت داخلہ توں جاری نوٹیفکیشن دے مطابق تحقیقاتی ٹیم ڈائریکٹر ایف آئی اے عطر وحید ، آئی بی دے ڈپٹی ڈائریکٹر عمر شاہد حمید شامل ہن۔
.jpg)
