لنڊن -04 سيپٽمبر (اي پي پي ) برطانيا چيو آهي ته اسرائيل لاءِ ملڪي دفاعي صلاحيت کي خطري ۾ نه وجهنداسين. پرڏيهي خابرو اداري موجب برطانيا طرفان اسرائيل کي هٿيار ايسڪپورٽ ڪرڻ جي 350 لائسنسن مان 30 کي ملتوي ڪرڻ جي اعلان کان پوءِ برطانوي دفاع واري وزير اعلان جي وضاحت ڪئي آهي. برطانوي دفاع واري وزير جان هيلي طرفان هٿيارن جي لائسنس کي ملتوي ڪرڻ جي اعلان کانپوءِ پرڏيهي وزير ڊيوڊ ليمي چيو ته اسرائيل کي پنهنجي دفاعي صلاحيت کي ڪو به خطرو نه هوندو. واضح رهي ته برطانوي پرڏيهي آفيس طرفان وضاحت هڪ اهڙي وقت ۾ ڪئي وئي آهي جڏهن برطانوي حڪومت ان کان اڳ چيو هيو ته اسرائيل کي هٿيارن جي ايسڪپورٽ جي 350 لائسنس مان 30 کي فوري طور ملتوي ڪرڻ جو اعلان ڪيو آهي، ڇو جو ان ڳالهه جو خطرو آهي ته اهي هٿيار عالمي انساني قانون جي سنگين ڀڃڪڙين ۾ استعمال ٿي سگهن ٿا. ٻئي پاسي اسرائيل جي وزيراعظم بينجمن نيتن ياهو برطانيا جي ان فيصلي تي ڪاوڙ جو اظهار ڪيو آهي.
