اسلام آباد۔16مارچ (اے پی پی) چیئرمین سینیٹ صادق سنجرانی آکھیا جو پاکستان دی پنڄاہ سالہ پارلیمانی اتے سیاسی تاریخ اچ سینیٹ آف پاکستان دا کردار اہم اے ،جمہوریت دے استحکام ، انصاف اتے مساوات دے ودھارے کیتے اہم کردار ادا کیتے۔ خمیس کوں چیئرمین سینیٹ صادق سنجرانی خصوصی سیشن دے ݙوجھے اجلاس اچ شریک سارے سینیٹرز اتے مزماناں کوں خوش آمدید آکھدیں ہوئیں آکھیا جو اڄ دی 50سالہ گولڈن جوبلی تقریبات اچ اتھاں ہووݨ اساں ساریاں کیتے اعزاز اے۔ 50سال اچ سینیٹ آف پاکستان پاکستان دی سیاسی تاریخ اچ اہم کردار ادا کیتے۔ سینیٹ علاقائی اتے عالمی تعاون ودھاوݨ کیتے وی اہم کردار ادا کیتے۔ پاکستان دی خارجہ پالیسی اتے عالمی تعلقات مضبوط ٻݨاوݨ کیتے موثر پارلیمانی سفارتکاری دا ہووݨ ایوان بالا دا خاصہ اے۔
