اسلام آباد ۔ 09 جون (اے پی پی) سپیکر قومی اسمبلی سردار ایاز صادق نال ازبکستان سانگے نامزد سفیر ڈاکٹر عرفان یوسف شامی پارلیمنٹ ہاﺅس اچ ملاقات کیتی جئیں اچ پاک ازبک تعلقات اتے آپسی دلچسپی دے معاملیاں بارے گالھ مہاڑ کیتی گئی۔ازبکستان سانگے نامزد سفیر نال گالھ مہاڑ کریندیں ہوئیں سپیکر قومی اسمبلی آکھیا جو پاکستان ازبکستان نال آپنڑے تعلقات کوں بہوں اہمےت ڈیندے اتے پارلیمانی تجارتی تعلقات دے نال نال ڈوہیں ملکاں دی عوام وچال رابطیاں کوں ودھا کراہیں انہاں تعلقات کوں بئیا مستحکم کیتا ونج سگدے۔سپیکر قومی اسمبلی آکھیا جو ازبکستان نال تجارت اتے سرمایہ کاری ودھاونڑ سانگے پاکستان دی تاجر دوست پالیسیاں بارے آگاہی ڈیون۔ ازبکستان سانگے نامزد سفیر ڈاکٹر عرفان یوسف شامی سپیکر ولوں انہاں بارے آکھےے گئے الفاظ دا شکریہ ادا کریندیں ہوئیں آکھیا جو او ڈوہیں ملکاں وچال تعلقات کوں بئیا مستحکم کرنڑ سانگے ہرممکن کوشش کریسن۔
.jpg)
