مزار شریف ۔30اگست(اے پی پی)پاکستان انٹرنیشنل ایئرلائنز (پی آئی اے) دی پہلی کارگو فلائٹ عالمی ادارہ صحت (ڈبلیو ایچ او) دا طبی سامان ڳھن تے دبئی توں مزار شریف پڄ ڳئی اے۔ اے سامان انسانی بنیاداں تے امداد کیتے ٻݨ آلے فضائی پل دا حصہ اے۔ پی آئی اے طبی سامان کیتے ہوائی ٹرانسپورٹ ݙیندا پئے ڄݙاں جو ڈبلیو ایچ او زمینی لاجسٹکس دا انتظام کریسی۔ افغانستان اچ پاکستان دے سفیر منصور احمد خان ٹویٹ کیتے جو پی آئی اے طبی سامان افغانستان کوں سپلائی کرں کیتے عالمی اداریاں خاص کر ڈبلیو ایچ او نال رل تے کم کریسی، ایں سانڳے عالمی ادارہ صحت پچھلے ہفتے پاکستانی حکام کوں مدد دی اپیل کیتی ہئی۔
