راولپنڈی۔20اگست (اے پی پی) شمالی وزیرستان ضلع دے علاقہ میر علی اچ انٹیلی جنس دی بنیاد تے کیتے ڳئے آپریشن اچ دہشت گرد کمانڈر ݙو ساتھیاں سودھا ہلاک تھی ڳیا۔ پاک فوج دے شعبہ تعلقات عامہ (آئی ایس پی آر) ولوں چھݨ چھݨ کوں جاری بیان موجب انٹیلی جنس دی بنیاد تے آپریشن اچ پاک فوج دے دستے اتے دہشت گرداں وچال بھاری فائرنگ دا تبادلہ تھیا جئیں پاروں ہک دہشت گرد اتے اوندے ݙو ساتھی ہلاک تھی ڳئے۔ دہشت گرد کمانڈر دی سنڄاݨ حافظ گل بہادر گروپ دے خبیب المعروف بلال دے ناں نال تھئی اے۔ سکیورٹی فورسز مارے ڳئے دہشت گرداں دے قبضے توں وݙی مقدار اچ اسلحہ اتے گولہ بارود وی برآمد کیتے۔
