اسلام آباد۔29فروری(اے پی پی):صدر مملکت ڈاکٹر عارف علوی ملک اچ ماحول دوست اتے ذمہ دارانہ کان کنی دے طریقے اپناوݨ تے زور ݙیندے آکھیے جو پنک سالٹ کوں عالمی سطح تے موثر انداز اچ پاکستانی نمک دے طور تے مارکیٹ کرݨا ہوسی۔ اے ڳالھ انہاں کھیوڑہ اچ لوݨ دی کان دے دورے ویلھے آکھی۔ صدر کوں پاکستان منرلز ڈیویلپمنٹ کارپوریشن دے مختلف جاری منصوبیاں تے بریفنگ ݙتی گئی۔ صدر مملکت آکھیا جو پاکستانی خام نمک کوں قابل قدر مصنوعات اچ بدل تے قیمتی زر مبادلہ کمایا ونڄ سڳدے، این سانڳے جدید ٹیکنالوجی استعمل کیتی ونڄے، پاکستانی راک سالٹ، پاکستانی نمک معیاری، کم قیمت اتے منرلز نال بھرپور اے۔ صدر مملکت سالٹ مائن اچ مختلف سیاحتی مقامات دا جائزہ ڳھدے اتے نمک بارے بریفنگ ڳھدی۔ صدر مملکت کھیوڑہ نمک دی کان اچ سالٹ لائبریری دا افتتاح کیتے اتے سالٹ لائبریری و دمہ سینٹر دا وی دورہ کیتے اتے مریضاں نال وی ملین۔
