اسلام آباد۔10جون (اے پی پی) ایں مالی سال اچ 70 دیہات اتے قصبیاں کوں گیس دی سہولت ݙتی ڳئی اے اتے 143 کلومیٹر لمبی گیس ٹرانسمیشن لائناں اتے 2616 کلومیٹر طویل ڈسٹری بیوشن لائنیں وچھائن۔ اقتصادی سروے 2020.21 دے مطابق ایں عرصے اچ ݙوہیں کمپنیاں 886 کلومیٹر لمبی سروس لائناں وی لاتی ڳئن جڈانجو مجموعی طور تے ݙوہیں کمپنیاں 3 لکھ 4 ہزار 573 ودھیکی گیس کنکشن ݙتے جنہاں اچ 3 لکھ 3 ہزار 243 گھریلو، ہک ہزار 20 کمرشل اتے 310 صنعتی کنکشن ملک اچ ݙتے ڳئن۔
