اسلام آباد۔6مارچ(اے پی پی) وفاقی وزیر اطلاعات و نشریات مریم اورنگزیب آکھیے گھڑی چور پولیس کوݨ ݙیکھدیں ہی کھݙ اچ لک ویندے، پولیس دے ونڄݨ دے بعد اے ٻڑکاں مریندے ، ایں بندے قانون تے آئین کوں یرغمال بݨا رکھیے، عمران خان اداریں دے خلاف ہرزہ سرائی تے مہم جوئی کریندے ، کوئی پوچھݨ آلا کائنی ، اینکوں پتہ اے جیں ݙینھ عدالت دے سامݨے پیش تھیا وٹھیا ویسی ۔ میڈیا نال ڳالھ مہاڑ کریندے ہوئیں وفاقی وزیر اطلاعات آکھیے پاکستان دی عوام ݙیکھدے پئن جو ھک فارن فنڈڈ ایجنٹ، گھڑی چور پولیس کوں ݙیکھدیں ہی لک ویندے تے پولیس دے ونڄݨ دے بعد اے آپݨی کھڈ توں ٻاہر نکل تے بڑکاں مریندے ، ایں بندے پاکستان دے قانون اتے آئین کوں یرغمال بݨا رکھیے، اے سارے کجھ دے باوجود اے بندہ عدل دے نظام دی پلکاں تے سوار اے۔ انہاں آکھیے ایں بندے کوں پتہ اے جو او جتنا اچا چیکسی اتنی وختی اینکوں ریلیف مل ویسی ، اینکوں پتہ اے جو عدلیہ تے حملہ آور تھیسی ، غنڈہ گردی کریسی ، عدلیہ کوں تڑیاں لیسی تے اینکوں بیل مل ویسی ، اے بندہ عدالت دے سامݨے ایں کیتے پیش نی تھیندا جو کیوں جو اینکوں پتہ اے جو اے گھڑی چور اتے فارن ایجنٹ اے، اوں پاکستان دے عوام کوں لٹیے تے مہانگ دی چکی اچ پینٹھے تے اے جتنا ڄاݨدا اے جو جیں ݙینھ وی اے عدالت دے سامݨے پیش تھیسی تاں وٹھیا ویسی ۔ ۔ وفاقی وزیر اطلاعات آکھیے ایں بندے بارے ایہا مثال اے جو میں چوری کیتی اے تے میݙا کیا کر گھنسو ، پورے دا پورا نظام ایندے ہتھوں مجبور اے ، عمران خان اداریں دے خلاف غلاظت اڳلیندے تے مہم جوئی کریندے ، عمران خان کوں ہتہ اے او عدلیہ تے حملہ کریسی تڑیاں لیسی اینکوں بیل مل ویسی ، انہاں آکھیے عمران خان جے جرم نی کیتا تاں عدالت اچ پیش تھیوے لیکن اے صرف کݙھ اچ بہہ سڳدے ، زمان پارک اچ سمجھوتہ ایکسپریس روانگی کیتے تیار اے لیکن اے سمجھوتہ نی این آر او کیتے منتاں ہن ، فارن ایجنٹ توشہ خانہ چور کوں این آر او چاہیدے۔
