اسلام آباد۔5جون (اے پی پی) وفاقی وزیر برائے ماحولیاتی تبدیلی سینیٹر شیری رحمان آکھیا جو پولی تھین بیگز اتے پلاسٹک دی بوتلاں سویں مصنوعات ملک اچ سنگین آلودگی اتے ماحول کوں خراب کریندی پن۔ عوام اتے خصوصی طور نینگراں کوں آلودگی دا سبسب ٻݨݨ آلی پلاسٹک دی مصنوعات کوں مرحلہ وار ختم کرݨ کیتے مینوفیکچررزتے دباؤ پاوݨ کیتے کردار ادا کرݨا چاہیدے۔ سنوار کوں بین الاقوامی یونین فار کنزرویشن آف نیچر-پاکستان (آئی یو سی این)، وزارت ماحولیاتی تبدیلی اتے سرینا ہوٹلزولوں عالمی یوم ماحولیات دی مناسبت نال ‘بیٹ پلاسٹک پلوشن’ دے عنوان نال تھیوݨ آلی سیمینار توں خطاب کریندیں ہوئیں وفاقی وزیر عام لوکاں تے زور ݙتا جو او اڳوں ودھن اتے پلاسٹک دی آلودگی دے خلاف مہم اچ رلن۔ سیمینار اچ سفارت کار وی شریک تھیے۔ ایں موقع تے مقررین پلاسٹک دی آلودگی بارے مسئلے اتے انہاں دے حل بارے ڳالھ مہاڑ کیتی۔
