اسلام آباد۔12اگست (اے پی پی):صدر مملکت ڈاکٹر عارف علوی ایمپلائز اولڈ ایج بینیفٹس انسٹیٹیوشن ( ای او بی آئی) کوں سیکیورٹی گارڈ توں معافی منڳݨ دی ہدایت کریندے ہوئیں آکھیے میں پاکستان دے صدر دی حیثیت نال شہری توں معافی منگداں ۔ ایوان صدر میڈیا ونگ توں جاری اعلامیہ موجب صدر مملکت ڈاکٹر عارف علوی وفاقی محتسب دے فیصلے دے خلاف ای او بی آئی دی درخواست تے آپݨے فیصلے اچ آکھیے ای او بی آئی پنشن گھنݨ کیتے سیکورٹی گارڈ کوں دفتردے احاطے اچ داخل تھیوݨ دی اجازت نی ݙتی ۔ انہاں آکھیے ایمپلائز اولڈ ایج بینیفٹ انسٹی ٹیوشن اپݨے غریب مخالف تے غیر دوستانہ طرز عمل تے نظر پاوے ، ھک عام مزدور کوں پنشن کیتے سالاں انتظار کراوݨ شرمناک امر اے ۔ صدر مملکت آکھیے شکایت کنندہ دی فائل ونڄ ونڄݨ کوں کئی سال تھی ڳئن ، فائل سفارش کراوݨ تے لبھی ڳئی ۔
