اسلام آباد۔19اپریل(اے پی پی):پاکستان اقوام متحدہ دی سلامتی کونسل اچ گزریل رات تھیوݨ آلی بحث دے نتیجے، اتفاق رائے تئیں نہ پڄݨ تے فلسطین دی اقوام متحدہ دی جنرل اسمبلی اچ رکنیت دی سفارش کرݨ اچ ناکامی تے سخت مایوس دا اظہار کیتے۔ دفتر خارجہ دی ترجمان ممتاز زہرہ بلوچ پریس بریفنگ اچ آکھیے اساکوں فلسطین کوں اقوام متحدہ دی مکمل رکنیت ݙیوݨ آلی قرارداد دے مسودے کوں ویٹو کرݨ دے امریکی فیصلے تے افسوس اے۔ انہاں آکھیے اساں سمجھدوں جو فلسطین کوں اقوام متحدہ اچ رلاوݨ دا ویلھا آڳئے۔ اے 75 سال توں فلسطینی عوام نال تھیوݨ آلی تاریخی نا انصافیاں کوں صحیح آکھݨ دے پاسے ھک قدم ہوسی تے اے انہاں دے حق خود ارادیت دی تصدیق کریسی ۔ ترجمان آکھیے فلسطینی عوام کوں 4 جون 1967 دی سرحداں دے اندر ھک آزاد و خودمختار اتے متصل فلسطینی ریاست اچ رہݨ دا موروثی حق حاصل اے جئیں دا دارالحکومت القدس الشریف ہووے۔
