اسلام آباد۔28جولائی(اے پی پی) کوآرڈینیٹر صحت ڈاکٹر مختار احمد بھرتھ آکھیے وفاق تے چارے صوبیں دی سانجھ نال 68 ارب روپے دی لاڳت نال ہیپا ٹائٹس سی روکݨ دا وزیر اعظم دا پروگرام شروع کیتا ویندا پئے ،وزارت صحت ہیپاٹائیٹس سی مکاوݨ یقینی بݨاوݨ سانڳے ھک چنڳی حکمت عملی بݨائی اے ۔ہیپاٹائیٹس سی دے جڳ ݙیھاڑ تے آپݨے سنھیے اچ کوآرڈینیٹر صحت آکھیے پاکستان اچ ہیپاٹائٹس سی توں متاثرہ کیس تقریبا ً98 لکھ ہن ۔ڈاکٹر مختاراحمد آکھیے وزیراعظم دے ہیپاٹائٹس سی مکاوݨ دا پروگرام شروع کیتا ویندا پئء وفاق تے چارے صوبیں دی سانجھ نال 68 ارب دا پروگرام شروع کیتا ویندا پئے جیں دا مقصد پاکستان اچ ہیپاٹائٹس سی کھنڈݨ کوں روکݨ اے ۔ ڈاکٹر مختار احمد آکھیے پورے ملک اچ 12 سال توں ودھ عمر دی آبادی دی سکریننگ کیتی ویسی ،ملک اچ سکریننگ تے علاج دیاں سہولتاں تئیں رسائی لوکاں کوں مفت ݙتی ویسی ، پاکستان اچ ہیپاٹائیٹس سی مکاوݨ دا پختہ عزم کر رکھیے،خون توں کھنڈݨ آلا انفیکشن ہیپاٹائٹس سی متاثرہ خون دی منتقلی توں کھنڈدے ، انہاں آکھیے ہیپاٹائٹس سی توں بچݨ دا بہترین طریقہ وائرس دی منتقلی آلے عوامل بارے احتیاط کرݨی چاہیدی اے کݙاہیں وی ایجھیاں چیزاں استعمال نہ کرو جنہاں تے ݙوجھے لوکاں دا خون لڳ سڳدا ہووے ، ہمیشہ غیر استعمال شدہ استرا ، بلیڈ اتے ٻیاں چیزاں ڈسپوزیبل یعنی ھک واری استعمال تھیوݨ آلیاں چیزاں استعمال کرن۔
.jpg)