اسلام آباد۔18اگست(اے پی پی) اسپیکر قومی اسمبلی سردار ایاز صادق آکھیے 19 اگست 2014 کوں ملکی تاریخ دے کالے ݙینھ دے طور تے یاد رکھیا ویسی ، ݙاہ سال پہلے اڄ دے ݙینھ پارلیمنٹ عمارت دا گھیراؤ بعداچ ݙو نام نہاد سیاسی جماعتاں دے کارکناں ہلا ٻول تے بھن تروڑ کیتی تے قیمتی تنصیبات کوں ضیان پڄایا ، ایں شرمناک واقع دی جتنی وی مذمت کیتی ونڄے گھٹ اے ۔ قومی اسمبلی سیکریٹرٹ دے ڈائریکٹوریٹ جنرل آف میڈیا موجب اے ڳالھ انھاں نام نہاد سیاسی جماعتاں دی قیادت اتے کارکناں دے پارلیمان تے حملے دے 10 سال پورے تھیوݨ تے آپݨے سنھیے اچ آکھ یاے ۔اسپیکر سردار ایاز صادق آکھیے کوئی وی جمہوری سوچ رکھ آلا پارلیمان دے تقدس کوں پامال کرݨ دا سوچ وی نی سڳدا انھاں آکھیے 19 اگست 2014 دے ݙینھ پارلیمان دی عمارت دا گھیراؤ اتے بعد اچ ایں تھیوݨ آلے شرمناک اتے افسوس ناک حملے دیاں دلخراش یاداں ہمیشہ عوام دے ذہناں تے نقش رہسن انھاں کوں جمہوری اقدار اتے اصولاں تے کیتے ونڄݨ آلے حملے دے یاد ݙویندیاں رہ ویسن ، پارلیمان تے حملہ نہ صرف جمہوریت تے حملہ ہئی بلکہ ریاست دے بنیادی ستوناں تے وی ضرب ہئی۔اسپیکر انھاں سارے ارکان ، عملے، اتے سیکیورٹی اہلکاراں دی بہادری تے استقامت دی تعریف کیتی جنہاں اوکھے حالات اچ پارلیمان دا دفاع کیتا تے آئین و قانون دی حکمرانی برقرار رکھی۔ اسپیکر اوں ویلھے دی حکومت، پارلیمان اچ موجود اپوزیشن دی ساریں تں وݙی جماعت پاکستان پیپلز پارٹی اتے ٻیاں سیاسی جماعتاں دی قیادت اتے ارکان دی کردار دی وی تعریف کیتی جنھاں نام نہاد سیاسی جماعتاں دی طرفوں پارلیمان تے حملے تے جمہوریت اچ ماریے ونڄݨ آلے شب خون دی سازش کوں ناکام بݨاوݨ اچ کردار نبھایا ۔ انھاں آکھیے اگست 2014 اچ پارلیمنٹ تے حملہ تے ایوان اچ آوݨ آلے ارکان پارلیمنٹ دا رستہ روکݨ تے پارلیمان دے نظام کوں مفلوج کرݨ دی ناکام کوشش کیتی ڳئی تاں جو ارکان جرات و بہادری نال ایں مذموم سازش کوں ناکام بݨا ݙتا ۔2014 دے دھرنے توں پوری دنیا اچ پاکستان دے تشخص کوں ضیان پڄا ، دھرنے پاروں ملک دی معیشت کوں ارباں روپے دا ضیان پڄا ، پارلیمنٹ دے ٻاہر دھرنے پاروں چین دے صدر کوں اپݨا طے شدہ دورہ منسوخ کرݨا پیا جیں دورے اچ پاکستان نال ارباں ڈالر دے معاہدے تھیوݨے ہن۔ انہاں آکھیے ایجھے حملے جمہوری نظام کوں کچانی کرسڳدےبلکہ اے ساݙے عزم اتے جمہوری اداریں کوں تکڑا کرݨ دی طاقت ݙیندن
.jpg)