اسلام آباد۔10نومبر(اے پی پی) وزیراعظم محمد شہباز شریف پاکستان کرکٹ ٹیم کوں آسٹریلیا دے خلاف ون ڈے انٹرنیشنل سیریز جتݨ تے مبارخ ݙیندے آکھیے قوم سانڳے اے ٻہوں خوشی دا موقع اے۔ وزیراعظم آٓفس پریس ونگ توں جاری بیان اچ وزیراعظم آکھیے پاکستان دے باؤلرز اتے بلے بازاں آسٹریلیا دے خلاف بہترین کارکردگی ݙکھائی اے ، 22 سال بعد پاکستان کرکٹ ٹیم آسٹریلیا دے خلاف ون ڈے انٹرنیشنل سیریز اچ انھاں دے ملک اچ سرخرو تھئی اے ۔ انہاں آکھیے اساکوں آپݨی کرکٹ ٹیم تے ماݨ اے ۔ وزیراعظم محمد شہباز شریف آکھیے ایں سیریز اچ پاکستان کرکٹ ٹیم دے سارے کھلاڑیاں تے مینجمنٹ دی محنت سامݨے ہئی تے پاکستان کرکٹ ٹیم ایں جت دی پوری طرح مستحق اے۔
.jpg)